"Интер" президенти Жузеппе Маротта миланликлар "Ал-Ҳилол" ҳимоячиси Жоау Канселуни ўз сафига қўшиб олмоқчилиги ҳақидаги хабарга изоҳ берди. У бу миш-мишлар ҳақиқатга тўғри келишини тасдиқлади.
"Думфрис яна икки ой жароҳатда бўлади, шунинг учун бизга ўнг қанот ҳимоячиси керак. Канселунинг маоши катта, биз вазиятга ойдинлик киритиш учун музокаралар олиб бормоқдамиз," - дея Мароттанинг сўзларини келтиради инсайдер Фабрицио Романо.
Эслатиб ўтамиз, Жоау Канселу 2017-2018 йилларда "Интер" шарафини ҳимоя қилган. Ўшанда миланликлар ҳимоячини "Валенсия"дан ижарага олганди.
