"Манчестер Юнайтед" бош мураббийи Рубен Аморим ҳужумчилар Беньямин Шешко ва Расмус Хёйлунднинг ўйинидаги фарқлар ҳақида гапирди.
Даниялик футболчи Англияда ўзини кўрсата олмади ва ўтган ёзда "Наполи"га кўчиб ўтди. Унинг ўрнини "РБ Лейпциг"дан сотиб олинган қимматбаҳо словениялик эгаллади, у ҳам ҳозирча "қизил иблислар" таркибида сермаҳсуллик кўрсата олмаяпти.
"Шешко ва Хёйлунд - мутлақо бошқа-бошқа хусусиятларга эга футболчилар. Бен бутунлай бошқача. Расмус кетди, биз Шешкони таклиф қилдик, энди бизнинг вазифамиз - у тез-тез гол уриши учун ҳамма нарсани қилиш," - деди Аморим матбуот анжуманида.
