"Интер" ҳужумчиси Лаутаро Мартинес А Серия 18-туридан ўрин олган "Болонья"га қарши ўйинда "гол+пас" бўйича 2 очко жамғарди.
Аргентиналик футболчи 39-дақиқада ҳисобни очган Петр Зелиньскининг голига ассистентлик қилди. 48-дақиқада Хоқон Чалхонўғлининг узатмасидан сўнг Лаутаронинг ўзи гол урди.
Мартинес А Серия жорий мавсумида 16 та ўйинда 10 та гол ва 4 та голли узатмани амалга оширди. "Интер" форварди Италия чемпионатининг энг яхши тўпурари ва "гол+пас" бўйича етакчи ҳисобланади.













