"Ливерпуль" афсонаси, ҳозирда футбол мутахассиси Жейми Каррагер мисрлик ҳужумчи Муҳаммад Салоҳнинг Мерсисайд грандидан кетиши мумкинлиги ҳақидаги фикрлари билан ўртоқлашди.
"Жамоада ҳозир жароҳатланганлар етарли, Исак сафдан чиқди. Шу сабабли, клуб Муҳаммадни январь ойида қўйиб юбориши эҳтимолдан йироқ. Аммо кейинги бир неча ой Салоҳнинг "Ливерпуль" билан хайрлашуви сифатида ўтиши мумкин," - дея футбол мутахассисининг сўзларини келтиради Goal.com портали.
Мисрлик форвард "Ливерпуль" сафида 2017 йилдан буён тўп тепиб келмоқда. Томонлар ўртасидаги амалдаги меҳнат шартномасининг муддати 2027 йилнинг ёзида тугайди.
33 ёшли ҳужумчи жорий мавсум АПЛда 14 та ўйинда майдонга тушиб, 4 та гол урди ва 3 та голли узатмани амалга оширди.
