"Барселона" ҳимоячиси Рональд Араухо "кўк-анорранглилар"нинг Испания Суперкубоги учун қайдномасига киритилди.

Уругвайлик футболчи психологик муаммолар туфайли бир ойдан кўпроқ вақт майдонга туша олмади - у сўнгги марта 25 ноябрь куни "Челси"га қарши ўйинда (0:3) майдонга тушиб, қизил карточка олганди.

Marca хабарига кўра, Араухо жамоа билан Саудия Арабистонига учди, аммо унинг Суперкубок ўйинларидаги иштироки ҳамон сўроқ остида қолмоқда. Турнирнинг илк ўйинини "Барселона" 7 январь куни ўтказади - ярим финалда каталонияликлар "Атлетик" билан ўйнайди.