"Ливерпуль"нинг собиқ футболчиси Жейми Каррагер Рубен Аморимнинг "Манчестер Юнайтед"даги фаолиятини қаттиқ танқид қилиб, уни Алекс Фергюсон кетганидан бери клубнинг энг ёмон мураббийи деб атади.
Каррагернинг таъкидлашича, аввалги мураббийларга қаратилган барча танқидларга қарамай, жамоанинг Аморим қўл остидаги натижалари энг ёмони эди. Унинг сўзларига кўра, "Юнайтед"нинг ўйин даражаси клубнинг мавқеи ва сарфланган ресурсларга мос келмади.
"Аморим, эҳтимол, бу рўйхатнинг энг пастки қисмида. Бундан ҳам ёмонроқ бўлиши мумкин эмас. Жамоа ўтган мавсумда 15-ўринни эгаллади - бу "Манчестер Юнайтед" даражасидаги клубда содир бўлмаслиги керак", деди Каррагер.
Мутахассис шунингдек, энг қийин даврларда ҳам жамоа аввалги мураббийлар қўл остида яхшироқ ўйнаганини, бу мавсумда эса олтинчи ўринда бўлиб турганига қарамай, "Манчестер Юнайтед" чиндан ҳам ёмон кўринаётганини таъкидлади.
