"Манчестер Юнайтед" ҳимоячиси Харри Магуайр Рубен Аморимнинг истеъфосига муносабат билдирди. Бир кун аввал португалиялик мураббий истеъфога чиқарилган эди.
Магуайр Аморимга ҳамкорлик учун миннатдорчилик билдирди. Шунингдек, мураббийга келгусида ҳам омад тилади.
"Ҳаммаси учун раҳмат, босс! Сизга келажакда энг яхши тилакларни тилайман," - деб ёзди Магуайр ўзининг ижтимоий тармоқдаги саҳифасида.
Ҳозирда "МЮ" АПЛ жадвалида олтинчи ўринда бормоқда.













