"Манчестер Юнайтед"нинг собиқ яримҳимоячиси Пол Скоулз "Челси"нинг собиқ бош мураббийи Энцо Мареска ҳақида гапирди.
"Мареска "Манчестер Юнайтед"га мосми? Мен бундай деб ўйламайман. У "Манчестер Сити" услубидаги мураббий. Гвардиола "Манчестер Сити"ни тарк этиши мумкинлиги ҳақида миш-мишлар тарқалмоқда, у бу клубда бошқа клубларга қараганда кўпроқ вақт ўтказди, шунинг учун кўпчилик уни эртами-кечми тарк этишига ишонмоқда. Мареска ҳақиқатан ҳам Хосеп учун ажойиб ўринбосарга ўхшайди. У "Манчестер Юнайтед"га тўғри келмайди, аммо "Манчестер Сити"га тўғри келади", - деди Скоулз.
Эслатиб ўтамиз, кеча, 5 январь куни "Манчестер Юнайтед" Рубен Аморимнинг истеъфосини расман эълон қилди.
