«Андижон» клубининг янги мавсум олдидан амалга оширган навбатдаги трансферларидан бири — Хумоюнмирзо Иминов бўлди. 25 ёшли истеъдодли ярим ҳимоячи эндиликда бор эътиборини «Бургутлар»нинг ғалабаларига қаратган.

Клуб матбуот хизмати Хумоюнмирзо Иминов билан суҳбат уюштирди.

— Хумоюнмирзо, «Андижон» клубига хуш келибсиз! Ушбу таклифни қабул қилишда ким билан маслаҳатлашдингиз?
— Аввало, Андижон мухлисларига ассалому алайкум. Таклиф масаласида дадам ва акам билан маслаҳатлашдим.

— Ростини айтсам, шундай таклиф бўлишини кутганмидингиз ва уни қандай қабул қилдингиз?
— Тўғрисини айтсам, таклиф бўлишини кутмаган эдим. Лекин бундай атмосферада ўйнашни ният қилгандим. Шу сабабли таклифдан жуда хурсанд бўлдим.

— Биласиз, бу мавсумда жамоанинг мақсадлари ва режалари катта. Таркиб кучайтирилмоқда, рақобат ҳам юқори бўлади. Ўзингизни кўрсатишга тайёрмисиз?
— Мен ҳам жамоага қўлдан келганча мақсад ва режаларни амалга ошириш йўлида ўз ҳиссамни қўшмоқчиман. Рақобат бор жойда ўсиш бўлади. Мен рақобатга тайёрман. Худо хоҳласа, ўзимни яхши тарафлама кўрсатишга ҳаракат қиламан.

— «Бургутлар» аъзосига айланишингизни фаолиятингизда қандай босқич деб баҳолайсиз?
— Юқори босқич, деб ҳисоблайман. Худо хоҳласа, бу менинг футболчи сифатида ўсишимга ёрдам беради.

— Ўзингиз учун рақам танладингизми?
— 10 ва 11-рақамларни жуда ёқтираман. Шулардан бирини танлаган бўлардим.

— «Андижон»га ўтганингиздан кейин сизни биринчи бўлиб кимлар табриклади?
— Дадам, онам ва акам биринчи бўлиб табриклашди.

— Мухлислар учун нима демоқчисиз?
— Мухлисларга ёқадиган ўйин кўрсатишга ҳаракат қиламан ва жамоамизнинг яхши натижалар қайд этишида ўз ҳиссамни қўшиш учун бор кучимни сарфлайман.