"Ливерпуль" раҳбарияти жамоа бош мураббийи Арне Слот билан меҳнат шартномасини узайтириш бўйича музокараларни вақтинча тўхтатди. Бу ҳақда indykaila News хабар берди.
Аввалроқ, мерсисайдликлар нидерландиялик мутахассиснинг ишидан норози экани ҳақида хабарлар тарқалган эди.
Манбага кўра, "Ливерпуль"нинг ҳозирги мағлубиятсиз серияси босслар учун етарли эмас. Агар Слот клубда ишлашни давом эттирмоқчи бўлса, унда жамоанинг натижалари яхшиланиши керак.
Англия чемпионатининг жорий мавсумида "Ливерпуль" 20 турда 34 очко жамғарди. Айни пайтда жамоа биринчи ўриндан 14 очко ортда қолиб, тўртинчи поғонани эгаллаб турибди.
