"Liverpul" rahbariyati jamoa bosh murabbiyi Arne Slot bilan mehnat shartnomasini uzaytirish bo‘yicha muzokaralarni vaqtincha to‘xtatdi. Bu haqda indykaila News xabar berdi.
Avvalroq, mersisaydliklar niderlandiyalik mutaxassisning ishidan norozi ekani haqida xabarlar tarqalgan edi.
Manbaga ko‘ra, "Liverpul"ning hozirgi mag‘lubiyatsiz seriyasi bosslar uchun yetarli emas. Agar Slot klubda ishlashni davom ettirmoqchi bo‘lsa, unda jamoaning natijalari yaxshilanishi kerak.
Angliya chempionatining joriy mavsumida "Liverpul" 20 turda 34 ochko jamg‘ardi. Ayni paytda jamoa birinchi o‘rindan 14 ochko ortda qolib, to‘rtinchi pog‘onani egallab turibdi.













