Матбуотда "Манчестер Юнайтед" бош мураббийлигига номзодлар орасида Эдди Хау ҳам борлиги ҳақида маълумотлар пайдо бўлди.
"Ньюкасл" бош мураббийи бу маълумотга муносабат билдирди.
"Ньюкасл"да қоламанми? Ҳа, албатта. Мен учун ҳеч нарса ўзгармади. Мен 100% шу ердаман, бор кучим билан ишлайман, сиз ёзган ҳамма нарсани - ёмон ва яхши нарсаларни эътиборсиз қолдираман. Ҳозир жамоани "Лидс"га қарши ўйинга имкон қадар яхшироқ тайёрлаш ҳақида ўйлаяпман," - дея Хаунинг сўзларини келтиради Goal портали.
Эслатиб ўтамиз, "Манчестер Юнайтед" аввалроқ Рубен Аморимни истеъфога чиқарган эди. "Қизил иблислар" айни дамда Премьер-лига турнир жадвалида олтинчи ўринда бормоқда.
