Янги мавсумда ўз олдига жиддий мақсадларни қўяётган «Андижон» клуби грузиялик ярим ҳимоячи Александре Андроникашвилини ўз таркибига қўшиб олди.

Андроникашвили 1999 йилнинг 9 апрель санасида Грузиянинг Тифлис шаҳрида таваллуд топган.

У фаолиятини асосан Грузия чемпионатида ўтказган бўлиб, бунгача «FS 35», «Локомотив» (Тбилиси), «Шукура» ва «Дила» клубларида тўп сурган. Футболчи ўтган мавсум «Дила» сафида 33 та ўйинда майдонга тушди ва 8 та гол урди. Жамоаси билан мамлакат кубоги ва Суперкубогини қўлга киритди. Шунингдек, мавсум якунида Лиганинг рамзий жамоасидан ўрин олди.

Футболчи халқаро майдонда ҳам ўзини кўрсатишга муваффақ бўлган. У Грузия U21 терма жамоаси сафида Европа чемпионати саралаш учрашувларида иштирок этиб, Франция ва Швейцария каби кучли футбол мактабларига эга терма жамоаларга қарши ўйинларда майдонга тушган.