"Борнмут" "Рома"нинг жароҳатдаги ҳужумчисини ўз сафига қўшиб олмоқчи.
Журналист Николо Скиранинг маълум қилишича, инглиз клуби вакиллари жорий мавсум якунига қадар "Астон Вилла"дан ижара асосида Италияда бўлиб турган 28 ёшли Леон Бэйлининг ҳолати ҳақида батафсил маълумот олиш мақсадида римликларга мурожаат қилишган.
Қайд этилишича, ямайкалик футболчи "Рома" бош мураббийи Жан Пьеро Гасперинининг режаларига кирмайди, шу боис у ижара шартномаси бекор қилингач, АПЛнинг бошқа жамоасига ўтиш учун "Астон Вилла"га қайтиши мумкин. Аввалроқ, Бэйли номи ошкор этилмаган бир турк клуби унга мурожаат қилган эди.
Бу мавсумда Леон Бэйли "Рома" сафида барча мусобақаларда 10 та ўйинда битта голли узатмани амалга оширди.
