"Барселона" "Ал-Ҳилол"нинг ўнг қанот ҳимоячиси Жоау Канселу билан шартнома имзолашни якунламоқда.
Каталония клуби португалияликни маошининг бир қисмини тўлаш шарти билан мавсум охиригача ижарага олади. Jijantes'нинг маълум қилишича, футболчининг Каталония пойтахтига келиши жума кунига режалаштирилган - худди шу куни тиббий кўрикдан ўтказилади. Келишув қачон расман эълон қилиниши ҳозирча номаълум - бу Испания Суперкубоги ярим финалидан ўрин олган "Атлетик" Бильбаога қарши ўйин натижасига боғлиқ.
Жоау Канселу 2023/24 йилги мавсумда ҳам "Барселона" шарафини ҳимоя қилганди - ўшанда "кўк-анорранглилар" уни "Манчестер Сити"дан ижарага олганди. Саудия Арабистонини тарк этишга қарор қилган 31 ёшли футболчига Миланнинг "Интер" клуби ҳам қизиқиш билдираётган эди.
