"Манчестер Юнайтед"нинг машҳур собиқ футболчиси Гари Невилл жамоанинг "Бёрнли"га (2:2) қарши ўйин ҳақидаги фикрлари билан ўртоқлашди.
"Танаффусдан кейин "МЮ" яхшироқ ўйнади, аммо ўтказиб юборилган иккинчи гол ҳафсалани пир қилмаслиги мумкин эмас. Жамоа яхшироқ ҳимояланиши керак. Жадвалнинг қуйи қисмидаги рақиб билан ўйинда яна йўқотилган очколар. Сўнгги ҳафталарда "Юнайтед" жуда кўп очко йўқотди. Улар доимий равишда кучли тўртликка чиқиш имкониятини қўлдан бой беришмоқда", - деди учрашув якунида Sky Sports эксперти Невилл.
"Манчестер Юнайтед" АПЛ жадвалида еттинчи ўринда бормоқда.
