"Тоттенхэм" ярим ҳимоячиси Жоау Палинья жорий мавсум якунлангач, "Бавария" сафига қайтиши мумкин.
Журналист Алекс Крукнинг маълум қилишича, "шпорлар" раҳбарияти ижара шартномаси якунлангач, Палиньяни "Бавария"дан сотиб олиш кераклигига шубҳа қилишмоқда. Шартномада 30 миллион еврога сотиб олиш имконияти кўрсатилган, аммо ҳозирча Палинтя Лондонга тўлақонли кўчиб ўтишдан кўра, "Бавария"га қайтишга яқинроқ.
"Тоттенхэм" сафида 30 ёшли португалиялик барча мусобақаларни инобатга олган ҳолда 29 та учрашувда майдонга тушиб, 5 та гол урди ва 3 та голли узатмани амалга оширди.
Қўшимча қиламизки, Палиньянинг "Бавария" билан меҳнат шартномаси 2028 йилгача мўлжалланган.
