"Tottenxem" yarim himoyachisi Joau Palinya joriy mavsum yakunlangach, "Bavariya" safiga qaytishi mumkin.

Jurnalist Aleks Krukning ma’lum qilishicha, "shporlar" rahbariyati ijara shartnomasi yakunlangach, Palinyani "Bavariya"dan sotib olish kerakligiga shubha qilishmoqda. Shartnomada 30 million yevroga sotib olish imkoniyati ko‘rsatilgan, ammo hozircha Palintya Londonga to‘laqonli ko‘chib o‘tishdan ko‘ra, "Bavariya"ga qaytishga yaqinroq.

"Tottenxem" safida 30 yoshli portugaliyalik barcha musobaqalarni inobatga olgan holda 29 ta uchrashuvda maydonga tushib, 5 ta gol urdi va 3 ta golli uzatmani amalga oshirdi.

Qo‘shimcha qilamizki, Palinyaning "Bavariya" bilan mehnat shartnomasi 2028 yilgacha mo‘ljallangan.