"Бавария" Леннарт Карлнинг укасини ўз сафига қўшиб олиши мумкин.
Bild хабарига кўра, мюнхенликлар айни дамда "Айнтрахт" академиясида таҳсил олаётган ва ярим ҳимоячи сифатида ўйнаётган 14 ёшли Винсент Карлни кузатиб бормоқда. Таъкидланишича, Леннарт Карлнинг укаси ўз ёш тоифасида катта истеъдод эгаси ҳисобланади.
Шунингдек, "Бавария" Карлга шартномани 2031 йилгача узайтириб, маошини йилига 5-7 млн еврогача оширишни таклиф қилаётгани айтилмоқда - ҳозир Леннарт 1-2 млн евро олади. Шу билан бирга, ярим ҳимоячининг амалдаги келишуви автоматик равишда 2029 йил 22 февралгача, яъни футболчи 18 ёшга тўлгунга қадар давом этади.
