Амстердамнинг "Аякс" клуби хавбеки, 23 ёшли Кеннет Тейлор фаолиятини Италия чемпионатида давом эттиради. Бу ҳақда инсайдер Фабрицио Романо ижтимоий тармоқлар орқали хабар бермоқда.
Журналистнинг ёзишича, футболчини Римнинг "Лацио" клуби ўз сафига қўшиб олмоқчи. Потенциал битим суммаси 15 миллион еврога баҳоланмоқда. Яна икки миллион бонус сифатида тўланиши мумкин.
Тейлорнинг "бургутлар" билан шартномаси 2030 йилнинг ярмигача мўлжалланган. 9 январь куни у Римда тиббий кўрикдан ўтади. Жорий мавсумнинг биринчи ярмида Кеннет 19 та учрашув ўтказиб, 2 та гол ва 4 та голли узатма муаллифи бўлди.
