Amsterdamning "Ayaks" klubi xavbeki, 23 yoshli Kennet Teylor faoliyatini Italiya chempionatida davom ettiradi. Bu haqda insayder Fabrisio Romano ijtimoiy tarmoqlar orqali xabar bermoqda.
Jurnalistning yozishicha, futbolchini Rimning "Lasio" klubi o‘z safiga qo‘shib olmoqchi. Potensial bitim summasi 15 million yevroga baholanmoqda. Yana ikki million bonus sifatida to‘lanishi mumkin.
Teylorning "burgutlar" bilan shartnomasi 2030 yilning yarmigacha mo‘ljallangan. 9 yanvar kuni u Rimda tibbiy ko‘rikdan o‘tadi. Joriy mavsumning birinchi yarmida Kennet 19 ta uchrashuv o‘tkazib, 2 ta gol va 4 ta golli uzatma muallifi bo‘ldi.
