«Ал-Ҳилол» жорий трансфер ойнасида «Манчестер Юнайтед» ярим ҳимоячиси ва сардори Бруну Фернандешни ўз сафига қўшиб олиш бўйича тайёргарликни қайта бошлади. Бу ҳақда X ижтимоий тармоғидаги indykaila News аккаунти хабар бермоқда.

Манба маълумотига кўра, Саудия Арабистони клуби португалиялик футболчининг трансфери учун манкунианликларга 100 миллион фунт стерлинг таклиф қилишга тайёр. Шу билан бирга, Фернандешнинг ўзи ҳафтасига 600 минг фунт (йилига тахминан 28,8 миллион фунт) маош олади.

Жорий мавсумда Фернандеш барча мусобақаларда 19 та ўйинда майдонга тушиб, 5 та гол ва 8 та голли узатма муаллифи бўлди. Футболчининг клуб билан амалдаги шартномаси 2027 йил ёзигача мўлжалланган. Transfermarkt портали маълумотларига кўра, унинг бозор қиймати 40 миллион еврони ташкил этади.