«Al-Hilol» joriy transfer oynasida «Manchester Yunayted» yarim himoyachisi va sardori Brunu Fernandeshni o‘z safiga qo‘shib olish bo‘yicha tayyorgarlikni qayta boshladi. Bu haqda X ijtimoiy tarmog‘idagi indykaila News akkaunti xabar bermoqda.

Manba ma’lumotiga ko‘ra, Saudiya Arabistoni klubi portugaliyalik futbolchining transferi uchun mankunianliklarga 100 million funt sterling taklif qilishga tayyor. Shu bilan birga, Fernandeshning o‘zi haftasiga 600 ming funt (yiliga taxminan 28,8 million funt) maosh oladi.

Joriy mavsumda Fernandesh barcha musobaqalarda 19 ta o‘yinda maydonga tushib, 5 ta gol va 8 ta golli uzatma muallifi bo‘ldi. Futbolchining klub bilan amaldagi shartnomasi 2027 yil yozigacha mo‘ljallangan. Transfermarkt portali ma’lumotlariga ko‘ra, uning bozor qiymati 40 million yevroni tashkil etadi.