"Милан" "Ливерпуль"нинг 28 ёшли ҳимоячиси Жозеф Гомесга қизиқиш билдирмоқда. Мерсисайдликлар англиялик футболчини сотиш истагини билдирмаяпти. Бу ҳақда Calciomercato хабар бермоқда.
Манбага кўра, Италия гранди "Ноттингем Форест"нинг 23 ёшли марказий ҳимоячиси Муриллони ҳам кузатиб бормоқда. Аммо ҳозирча бразилиялик футболчининг трансфери бўйича музокаралар олиб борилмаган.
Италия чемпионатидаги 17 ўйиндан сўнг "Милан" очколари сонини 38тага етказиб, 2-ўринда бормоқда. 18-турда "россонерилар" "Женоа" билан куч синашади. Ўйин 8 январь, пайшанба куни бўлиб ўтади. Ҳакамнинг старт ҳуштаги 00:45 да эшитилади.
