"Milan" "Liverpul"ning 28 yoshli himoyachisi Jozef Gomesga qiziqish bildirmoqda. Mersisaydliklar angliyalik futbolchini sotish istagini bildirmayapti. Bu haqda Calciomercato xabar bermoqda.

Manbaga ko‘ra, Italiya grandi "Nottingem Forest"ning 23 yoshli markaziy himoyachisi Murilloni ham kuzatib bormoqda. Ammo hozircha braziliyalik futbolchining transferi bo‘yicha muzokaralar olib borilmagan.

Italiya chempionatidagi 17 o‘yindan so‘ng "Milan" ochkolari sonini 38taga yetkazib, 2-o‘rinda bormoqda. 18-turda "rossonerilar" "Jenoa" bilan kuch sinashadi. O‘yin 8 yanvar, payshanba kuni bo‘lib o‘tadi. Hakamning start hushtagi 00:45 da eshitiladi.