Гулнора Аъзамова бошчилигидаги Ўзбекистон U-16 қизлар терма жамоаси Иордания U-16 қизлар терма жамоаси устидан йирик - 3:0 ҳисобида ғалаба қозонди.

Ўзбекистон U-16 қизлар терма жамоаси ўзининг навбатдаги ўқув-машғулот йиғинини ўтказиш учун 2 август куни Иорданияга жўнаб кетгани ҳақида аввалроқ хабар берган эдик. Иорданиядаги йиғин давомида Гулнора Аъзамова бошчилигидаги ўзбекистонлик ўсмир қизлар 4 ва 7 июнь кунлари мезбон - Иордания ўсмирлар терма жамоасига қарши иккита ўртоқлик учрашувини ўтказиши режалаштирилган эди. Ушбу ўртоқлик учрашувларининг биринчиси, 4 август, якшанба куни бўлиб ўтди ва унда Ўзбекистон U-16 қизлар терма жамоаси иорданиялик рақибаларини 3:0 ҳисобида мағлубиятга учратишди. Ўзбекистонлик ўсмир қизларнинг голларига Нилюфар Қудратова (2та) ҳамда Дилдора Нозимовалар муаллифлик қилишди.

Ўзбекистон ҳамда Иордания ўсмирлари ўртасидаги иккинчи ўртоқлик ўйини 7 август куни бўлиб ўтади. Маълумот ўрнида, Гулнора Аъзамова бошчилигидаги Ўзбекистон U-16 терма жамоасининг Иорданиядаги йиғини 9 август кунигача давом этади.

Эслатиб ўтамиз, Ўзбекистон U-16 қизлар терма жамоаси шу йилнинг 26 сентябрь - 6 октябрь кунлари Хитойнинг Нанкин шаҳри мезбонлик қиладиган U-16 Ўсмирлар ўртасидаги Осиё чемпионати баҳсларида иштирок этади. Қайд этиш лозим, мазкур Осиё чемпионатида кучли учликдан ўрин олган терма жамоалар 2014 йили Коста Рикада бўлиб ўтадиган U-17 Ўсмирлар ўртасидаги Жаҳон чемпионати финал босқичига йўлланмани қўлга киритади.

Ўртоқлик учрашуви. Амман, Иордания.
4 август.
Иордания U-16 - Ўзбекистон U-16 - 0:3
Голлар: Нилуфар Қудратова (2та), Дилдора Нозимова
Ўзбекистон U-16: Лайло Тиловова, Анзиля Ермакова, Шоҳида Тожиддинова, Мафтуна Шойимова, Дилноза Бектемирова, Дарина Федосенко, Дилдора Нозимова, Севара Нормуродова, Ситора Нормуродова, Умида Зоирова, Нилуфар Қудратова
Заҳирадан майдонга тушганлар: Солиҳа Ҳусниддинова, Шодия Тошева, Соҳимбжамол Раджабова, Шоира Култураева, Файёза Самандарова.