"Манчестер Сити" марказий ҳимоячиси Жон Стоунс мавсум охиридан кейин ҳам клубда қолиши эҳтимолдан йироқ.
31 ёшли футболчининг амалдаги шартномаси олти ойдан кейин тугайди. Times Sport нашрининг хабар беришича, барча кўрсаткичлар инглиз футболчисининг клубдаги сўнгги мавсумини ўтказаётганидан далолат беради.
"Сити" бош мураббийи Пеп Гвардиола жароҳатлар туфайли қийналаётган тажрибали марказий ҳимоячининг ўрнини мунтазам равишда ўйнай оладиган ёшроқ футболчи билан тўлдирмоқчи. Стоунс "Манчестер Сити"га 2016 йил ёзида "Евертон"дан қўшилган эди.













