"Тоттенхэм" бош мураббийи Томас Франк жамоа сардори Кристиан Ромеронинг клуб раҳбариятини танқид қилганига муносабат билдирди.
"Ромеро клуб сардори бўлганидан кейин кўп ишларни тўғри амалга оширди. Аммо ёш сардор бўлганингда, баъзида хатоларга йўл қўясан. Албатта, буни ичингизда сақлаганингиз маъқул. Бугун эрталаб у билан ҳамма нарса ҳақида яхши суҳбатлашдик," - дея Франкнинг сўзларини келтиради журналист Фабрицио Романо.
Аввалроқ, "Тоттенхэм" сафарда "Борнмут"га мағлуб бўлганди. Англия Премьер-лигасининг 21-туридан ўрин олган учрашув 2:3 ҳисобида якунланди.
Айни дамда "шпорлар" 27 очко билан мусобақа жадвалида 14-ўринни эгаллаб турибди.
