Лондоннинг "Челси" клуби ўзининг расмий сайти орқали янги бош мураббийлар штабини тақдим этди.
"Лиам Росеньор мураббийлар штабига Жастин Уокер ва Калифа Сиссе қўшилди. Бунгача иккала мураббий ҳам "Страсбург"да ишлаган. Шунингдек, штабга бош таҳлилчи Бен Уорнер ҳам келиб қўшилди", - дейилади "аристократлар" хабарида.
Росеньор "Челси" билан 2032 йилнинг июнь ойи охиригача мўлжалланган узоқ муддатли меҳнат шартномасини имзолади.
Бугунги ҳолатга кўра, лондонликлар 31 очко билан Премьер-лига жадвалида атиги тўққизинчи ўринда бормоқда.













