"Барселона" спорт директори Деку "Ал-Ҳилол" ҳимоячиси Жоау Канселунинг тез орада Каталония клубига ўтиши ҳақида фикр билдирди.
"Бизга ўтган ҳар қандай футболчи ҳар доим маошни камайтиради ва пулни қурбон қилади - бу "Барселона" эга бўлган сеҳр. Канселу бизга футбол майдонида илгари бўлмаган кўпроқ ечимларни беради. Бу юқори даражадаги футболчи," - дея Декунинг сўзларини келтиради журналист Карлос Монфорт.
Эслатиб ўтамиз, аввалроқ "Барселона" президенти Жоан Лапорта Канселу эртага каталонияликлар учун тиббий кўрикдан ўтишини маълум қилганди.
