Англия чемпионатининг 21-турида «Ливерпуль» Лондонда «Арсенал»га қарши учрашувда 0:0 ҳисобида дуранг ўйнади ва клуб антирекордини такрорлади. Бу ҳақда X ижтимоий тармоғида Opta Analyst портали хабар берди.

Манбага кўра, мазкур ўйин сўнгги деярли 16 йил (2010 йил март ойидан бери) ичида «Ливерпуль» учун Англия Премьер-лигасидаги рақиб дарвозасига бирорта ҳам аниқ зарба йўллай олмаган илк баҳс бўлди. Ўшанда, «Уиган»га қарши беллашувда (0:1) ҳам мерсисайдликлар дарвоза томон бирорта ҳам аниқ зарба бермаган эди.

Айни пайтда «Ливерпуль» АПЛ турнир жадвалида тўртинчи ўринни эгаллаб турибди.

Англия — Премьер-лига, 21-тур
Арсенал — Ливерпуль — 0:0