«Рома» ҳужумчиси Артём Довбик «Лечче»га қарши учрашувда олган жароҳати сабаб тахминан икки ойга сафдан чиқди. Ушбу баҳсда украиналик футболчи гол уришга ҳам улгурган эди. Якуний ташхис клуб дастлаб кутганидан анча оғирроқ бўлиб чиқди. Бу ҳақда журналист Маттео Моретто хабар бермоқда.

Украиналик футболчининг сафдан чиқиши римликлар ҳужум чизиғидаги вазиятни анча мураккаблаштирмоқда ва таркибни ротация қилиш имкониятларини кескин қисқартирди. Шунингдек, трансфер бозорида ҳам муаммолар юзага келмоқда — тикланиш муддати шунчалик узун экани сабаб қишки трансфер масаласини муҳокама қилиш амалда имконсиз, чунки жароҳат олган футболчига сармоя киритишга тайёр клуб топиш жуда қийин бўлади.

Жорий мавсумда Артём Довбик «Рома» сафида барча мусобақаларда 17 та ўйин ўтказиб, 3 та гол ва 2 та голли узатмани ўз ҳисобига ёздириб қўйган.