Мадриднинг "Реал" клубидан ижарага олинган "Лион" ҳужумчиси Эндрик ўзининг трансфери ҳақида гапирди.
Бразилиялик футболчи январь ойи бошида "тўқувчилар" сафига қўшилди. Ижара муддати жорий мавсум охиригача этиб белгиланган.
"Ҳамма ўйнашни орзу қиладиган дунёнинг энг яхши клуби билан хайрлашиш ҳар кимга ҳам қийин бўларди, лекин мен "Реал"ни тарк этмадим. Бу шунчаки пауза. Бу ерда, "Лион"да мен ниҳоят доимий равишда ўйнай оламан, бу эса узоқ муддатли истиқболда "Реал"га ҳам фойда келтиради. "Лион"да мен излаган ҳамма нарса бор: яхши жамоа, мухлислар, мураббийлар штаби, ривожланиш учун имконият," - дея Эндрикнинг сўзларини келтиради Madrid Zone.
19 ёшли футболчининг "Реал" билан шартномаси 2030 йилга қадар амал қилади.
