Лондоннинг "Тоттенхэм" клуби ҳужумчиси Матис Тель қишки трансферлар вақтида кам ўйин амалиётига эга бўлгани учун клубини ўзгартирмоқчи. Бу ҳақда RMC Sport хабар берди.
Шу билан бирга, "шпорлар" 20 ёшли франциялик футболчи билан қишда хайрлашишга қизиқиш билдирмаяпти. Тель Англия чемпионатининг жорий мавсумида 14 та ўйинда иштирок этиб, ўз ҳисобига 3 та гол ёздириб қўйди.
Матис ўтган йилнинг ёзида Лондон жамоаси сафига қўшилганди. Томонлар 2031 йил июнь ойи охиригача меҳнат шартномаси тузган. Transfermarkt портали баҳосига кўра, футболчининг бозор нархи 30 миллион еврони ташкил этади.
