"Ливерпуль" ярим ҳимоячиси Доминик Собослаи клуб билан шартномани узайтиришга тайёр. Томонлар янги келишув шартлари бўйича принципиал келишувга эришди, деб хабар берди indykaila News.

Венгриялик футболчига "Бавария" ва "Реал" клублари қизиқиш билдирган, аммо у мерсисайдликлар сафида ўйнашни афзал кўрган.

25 ёшли футболчининг ливерпулликлар билан амалдаги шартномаси 2028 йилнинг ярмигача мўлжалланган. Жорий мавсумда ўнг қанот ҳимоясида ҳам ўйнай оладиган хавбек "қизиллар" сафида барча мусобақаларда 27 та ўйинда майдонга тушиб, 5 тадан гол ва ассист қайд этди.