Франциянинг "ПСЖ" клуби шарафини ҳимоя қилаётган испаниялик ярим ҳимоячи Фабиан Руис фаолиятини Туркия чемпионатида давом эттириши мумкин. Бу ҳақда инсайдер Экрем Конур хабар берди.
Манбага кўра, хавбек хизматига Истанбулнинг "Галатасарой" клуби қизиқиш билдирмоқда. Туркия гранди футболчини мавсум якунига қадар кейинчалик сотиб олиш ҳуқуқи билан ижарага олмоқчи.
29 ёшли ярим ҳимоячининг парижликлар билан меҳнат шартномаси 2027 йилнинг ёзида якунига етади. Футболчининг бозор нархи 40 миллион еврони ташкил қилади.
Фабиан жорий мавсум Лига 1да 12та ўйинда майдонга тушиб, 1та гол урди ва 2та голга ассистентлик қилди.
