Англия кубогининг 3-туридан ўрин олган "Манчестер Сити" ҳамда "Эксетер Сити" жамоалари ўртасидаги ўта йирик ҳисоб қайд этилди. Хосеп Гвардиола шогирдлари рақибни йирик ҳисобда мағлубиятга учратди - 10:1.
Opta’нинг ёзишича, сўнгги бор Англия футболининг топ-дивизиони жамоаси олис 1986 йилда бир ўйинда 10 та гол урган. Ўшанда буни "Ливерпуль" уддалаганди - мерсисайдликлар Лига Кубогида "Фулхэм"ни 10:0 ҳисобида мағлуб этаётганди.
Англия кубоги ҳақида гапирадиган бўлсак, сўнгги марта топ-дивизион жамоаси 1960 йилнинг февралида бир ўйинда 10та гол урганди. Ўшанда "Тоттенхэм" "Крю"ни 13:2 ҳисобида мағлуб этганди.
