"Манчестер Сити" ярим ҳимоячиси Бернарду Силва фаолиятини Италияда давом эттириши мумкин.
"Шаҳарликлар" сардорининг амалдаги шартномаси мавсум якунида ўз ниҳоясига етади ва унинг узайтирилиши даргумон. Fichajes нашри тарқатган хабарга кўра 31 ёшли футболчи учун курашда айни дамда "Ювентус" етакчилик қилмоқда. Аввалроқ, португалиялик футболчига "Галатасарой" ва Саудия Арабистони чемпионати вакиллари қизиқиш билдираётгани хабар қилинганди.
Бернарду Силва 2017 йилдан буён "Манчестер Сити" шарафини ҳимоя қилиб келмоқда. Хавбек жорий мавсум Хосеп Гвардиола жамоаси сафида 28 та ўйинда майдонга тушди ва ўз ҳисобига 1 та гол ҳамда 2 та голли узатма ёздириб қўйди.













