Англиянинг «Манчестер Юнайтед» клуби ҳужумчиси Уэйн Руни жамоадан кетиш учун жиддий қарорга келган ва шу мақсадда футболчи ўзини трансферга қўйишларини сўраб раҳбариятга мурожаат қилмоқчи, дея хабар бермоқда «The Guardian».
Олдинроқ, «Челси» Рунини сотиб олиш учун икки бор таклиф билан чиққани ва иккала таклиф ҳам рад қилингани борасида хабар берилганди. Лондонликлар футболчи учун бир сафар 25, кейинги сафар 30 миллион фунт стерлинг таклиф қилганди.
Маълумот ўрнида «МЮ» Швециядаги турнеда АИК жамоасига қарши учрашув ўтказган ва унда Руни иштирок этмаганди. Бунга сабаб сифатида унинг жароҳат олгани кўрсатилган.