"Манчестер Сити" яримҳимоячиси Родри клуб сафида 2024 йилнинг май ойидан буён энди гол урди. У Англия кубогининг 3-босқичида "Эксетер Сити"га қарши ўйинда гол киритди. Унда Хосеп Гвардиола жамоаси 10:1 ҳисобидаги ишончли ғалабани қўлга киритди. Сардорлик боғичини таққан испаниялик футболчи жарима майдони ташқарисидан аниқ зарба йўллаб, жамоасининг иккинчи голини урди.

Бу гол Родри учун муҳим аҳамиятга эга бўлди, чунки у аввалги муваффақиятидан 600 кундан кўпроқ вақт ўтгач киритилган. Ярим ҳимоячи сўнгги марта "Манчестер Сити" сафида 2024 йил 19 май куни "Вест Хэм"га қарши ўйинда гол урган.

Жорий мавсумда Родри 12 та ўйинда майдонга тушди ва яқинда навбатдаги жароҳатидан сўнг сафга қайтди. Ярим ҳимоячининг амалдаги меҳнат шартномаси 2026/2027 йилги мавсум охиригача мўлжалланган.