Туриннинг "Ювентус" клуби "Кристал Пэлас" ҳужумчиси Жан-Филипп Матетага қизиқиш билдирмоқда. 28 ёшли француз юқори даражали клубгв ўтишни истамоқда. Tuttosport хабарига кўра, Италия клуби футболчи атрофидаги вазиятни диққат билан кузатиб бормоқда.
Ўтган мавсумда футболчига "Милан" қизиқиш билдирганди, аммо 40 млн евролик нарх "россонерилар" учун қимматлик қилди. Айни дамда вазият ўзгарган: Матетанинг "Кристал Пэлас" билан шартномаси 2027 йилнинг ёзигача амал қилади ва у шартномани узайтириш ниятида эмас.
"Ювентус" ҳужумчи учун 20-25 млн евро сарфлашга тайёр ва уни Душан Влаховичга ўринбосар сифатида кўрмоқда. Матета жорий мавсумда 32 та ўйинда майдонга тушиб, 10 та гол урди ва 2 та голли узатмани амалга оширди.
