Turinning "Yuventus" klubi "Kristal Pelas" hujumchisi Jan-Filipp Matetaga qiziqish bildirmoqda. 28 yoshli fransuz yuqori darajali klubgv o‘tishni istamoqda. Tuttosport xabariga ko‘ra, Italiya klubi futbolchi atrofidagi vaziyatni diqqat bilan kuzatib bormoqda.

O‘tgan mavsumda futbolchiga "Milan" qiziqish bildirgandi, ammo 40 mln yevrolik narx "rossonerilar" uchun qimmatlik qildi. Ayni damda vaziyat o‘zgargan: Matetaning "Kristal Pelas" bilan shartnomasi 2027 yilning yozigacha amal qiladi va u shartnomani uzaytirish niyatida emas.

"Yuventus" hujumchi uchun 20-25 mln yevro sarflashga tayyor va uni Dushan Vlaxovichga o‘rinbosar sifatida ko‘rmoqda. Mateta joriy mavsumda 32 ta o‘yinda maydonga tushib, 10 ta gol urdi va 2 ta golli uzatmani amalga oshirdi.