Италиялик ҳужумчи Марио Балотелли фаолиятини БАА иккинчи лигасида давом эттиради.
Европада "Милан", "Манчестер Сити", "Интер" ва "Ливерпуль"даги ўйинлари билан танилган 35 ёшли марказий ҳужумчи Дубайнинг "Ал-Иттифоқ" клубига ўтди. Клуб матбуот хизматининг маълум қилишича, томонлар икки ярим йилга мўлжалланган меҳнат шартномасини имзолашган.
Балотеллининг янги жамоаси Бирлашган Араб Амирликларининг жорий иккинчи дивизионида муваффақиятсиз иштирок этмоқда. Ўтказилган 12 та ўйиндан сўнг жамоа атиги 6 очко тўплади ва турнир жадвалида 15-ўринни эгаллаб турибди.
