"Манчестер Юнайтед"нинг 18 ёшли вингери Ши Лэйси Англия кубоги 3-раундидан ўрин олган "Брайтон"га (1:2) қарши ўйинда қизил карточка олди.
Ёш футболчи 62-дақиқада захирадан майдонга тушди. У 87 ва 89-дақиқаларда икки бор огоҳлантириш олиб, майдонни тарк этди. Opta маълумотларига кўра, Лэйси деярли 11 йил ичида "МЮ"нинг 20 ёшдан кичик ўйинчилар орасида ҳар қандай турнирда майдондан четлатилган биринчи футболчиси бўлди. Бундан олдин, 2015 йил февралида шундай ҳолат Люк Шоу билан юз берган эди.
Ши Лэйси "қизил иблислар"нинг асосий жамоаси сафида учта ўйин ўтказди. У аввалроқ Премьер-лигада "Астон Вилла" ва "Бёрнли"га қарши ўйинларда захирадан майдонга тушган.













