Испания Суперкубоги финал учрашувида Каталониянинг "Барселона" клуби Мадриднинг "Реал" клубини 3:2 ҳисобида мағлубиятга учратди. "Кўк-анорранглилар" сафида 18 ёшли вингер Ламин Ямал асосий таркибда майдонга тушди ва учрашув сўнггида алмаштирилди.
Юлдуз истеъдод эгаси каталонияликлар билан фаолиятидаги бешинчи совринни қўлга киритди ва бу кўрсаткич бўйича Лионель Мессини ортда қолдирмоқда. Шу ёшда афсонавий аргентиналик "Барселона" билан атиги иккита чемпионликни қўлга киритган.
Ламин "кўк-анорранглилар" академияси тарбияланувчиси ҳисобланади. Ҳужумкор ярим ҳимоячининг бозор нархи 200 миллион еврога баҳоланмоқда. Ямаль "Барселона" билан 2031 йил июнь ойи охиригача шартнома мажбуриятлари бўйича боғланган.
