"Астон Вилла"нинг нидерландиялик ҳужумчиси Дониэлл Мален тез орада Италиянинг "Рома" клубига йўл олади. Бу ҳақда Il Romanista хабар бермоқда.
Манбага кўра, клублар 26 ёшли Маленни 26-27 миллион еврога сотиб олиш ҳуқуқи билан ижарага олишга келишиб олган. Энди барчаси фақат "Рома"га ўтишдан хурсанд бўладиган футболчининг ўзига боғлиқ.
Мален бу мавсумда барча мусобақаларни ҳисобга олган ҳолда 29 та учрашувда майдонга тушиб, 7 та гол урди ва 2 та голли узатмани амалга оширди. Таъкидлаш керакки, Мален жорий мавсумда "Астон Вилла"нинг барча ўйинларида майдонга тушди, аммо у асосий таркиб футболчиси эмас.
