Oғир вазн тоифасида WBA, WBC, IBF ва IBO камарларининг мағлубиятсиз соҳиби, 38 ёшли украиналик Александр Усик британиялик машҳур Энтони Жошуа ва Тайсон Фюрига қарши жангларга тайёргарликни ушбу жанглар ташкил этилишидан анча олдин бошлаганини айтди.
"Мен Энтони Жошуа ва Тайсон Фюри билан жангга тайёргарликни 10-11 йил олдин бошлаганман. Ҳатто кўпчиликка улар билан бокс тушишимни айтганман. Украина телеканалларидан бирида ака-ука Кличколар: "Қулоқ сол, белбоғларингни бўшатиб, дам ол", дейишарди. Аммо мен шундай жавоб берардим: "Қулоқ солинг, тўрт йил, балки уч йилдан кейин мен Энтони Жошуа ва Тайсон Фюри билан бокс тушаман".
Кўпчилик: "Йўқ, йўқ. Ҳа-ҳа, бўлиши мумкин эмас. Мен: "Ҳа-ҳа-ҳа? Нима учун? Менга эса бунинг иложи йўқлигини айтишди. Лекин мен уларга шундай қилишимни айтдим. Ва мен бунга эришдим, чунки мен эътиқодни сақлаб қолдим. Ҳар куни Худога сиғинаман. Инсон оғир меҳнат қилганда, Худо унга имконият беради", - дея Усикнинг сўзларини келтиради Ready to Fight портали.
