Инсайдер Жанлука Ди Марционинг маълум қилишича, "Интер" "Хайдук"га 18 ёшли ҳимоячи Бранимир Млачич трансфери бўйича таклиф билан чиққан.
Қайд этилишича, клублар музокараларни давом эттирмоқда ва футболчининг нархи 5 млн евро атрофида бўлиши мумкин. Италия клуби Млачични сотиб олиб, Хорватияда ижара асосида қолдирмоқчи.
Аввалроқ, ҳимоячига "Барселона" ва "Боруссия" Дортмунд клублари қизиқиш билдираётгани ҳақида хабарлар тарқалган эди.
Млачич "Хайдук"нинг асосий жамоаси сафида 18 та ўйинда майдонга тушиб, 2 та голли узатмани амалга оширди ва 2 та сариқ карточка ишлаб олди. Шунингдек, у Хорватия U21 терма жамоасида 1 та ўйин ўтказган.
