Сешанба куни Англия Лига Кубоги ярим финалида "Ньюкасл" "Манчестер Сити"ни қабул қилади.
Ўзгартирилган қоидалар "шаҳарликлар"нинг янги аъзоси Антуан Семеньога майдонга тушиш имконини беради, гарчи у турнир давомида "Борнмут" сафида ўйнаган бўлса ҳам. "Қарғалар"ни бошқараётган Эдди Хау қоида ўзгаришидан норози. Унинг фикрича, Лига кубогининг бир мавсуми доирасида футболчи бир нечта жамоада ўйнамаслиги керак.
"Шуни айтишим керакки, мен қоидаларнинг бундай ўзгаришига рози бўлмасдим. Улар янги трансфер амалга оширганидан сўнг қоида ўзгарганини билиш қизиқ эди. Менга бу ўйинчи ёқади. "Манчестер Сити" жуда кучли футболчини ўз сафига қўшиб олди," - деди Хау журналистларга.
Лига кубоги ярим финалида қарама-қаршиликлар икки ўйиндан иборат бўлади.
