Россиянинг "Нижний Новгород" клуби қанот вингери Русланбек Жияновни "Навбаҳор"га тўлиқ сотганини маълум қилди.
«Русланбек Жиянов "Навбаҳор" футболчисига айланди.
"Нижний Новгород" Русланбек Жияновни тўлақонли трансфер шарти билан "Навбаҳор"га ўтказиш бўйича келишувга эришди. Клубимиз футболчининг келажакдаги сотувидан фоиз олиш ҳуқуқини сақлаб қолади. Шунингдек, "Навбаҳор" яхши натижаларига эришса, "Нижний Новгород" бонусларга эга бўлади», - дейилади клуб матбуот хизмати хабарида.
Жиянов 2023 йилнинг қишида "Нижний Новгород" футболчисига айланганди ва 3,5 йиллик шартнома имзолади.
